Хэвлэл мэдээллийн хүсэлтийг 24-нийг хүртэл хүлээн авна

М.Тэнүүн | Zindaa.mn
2019 оны 10 сарын 19

Нийслэлийн ИТХ-аас Засгийн газрын 62 тогтоол, тэр дундаа сайжруулсан шахмал түлшний асуудлаар ирэх сарын 4-ний өдөр Ерөнхий хяналтын сонсгол зохион байгуулах гэж буй.

“Нийтийн сонсгол зохион байгуулах журам”-д заасны дагуу Ерөнхий хяналтын сонсголд оролцох иргэд, шинжээч, мэргэжлийн холбоод, төрийн бус байгууллагуудыг урьдчилан бүртгэж оролцуулна. Мөн олон нийтэд мэдээлэл түгээх хэвлэл мэдээллийн байгууллагуудын хүсэлтийг бичгээр авч, оролцуулах юм. Иймд хэвлэл, мэдээллийн байгууллагууд энэ сарын 24-ны өдрөөс урьтаж нийслэлийн ИТХ-ын Ажлын алба сонсголд оролцох албан хүсэлтээ ирүүлнэ үү.

Энэ талаарх дэлгэрэнгүй мэдээллийг 70119921 дугаар утсанд холбогдож авах боломжтой. Харин Ерөнхий хяналтын сонсголд оролцох хүсэлтэй иргэн, мэргэжлийн болон төрийн бус байгууллагууд Нийслэлийн ИТХ-ын Ажлын албаны 11-321807, 11-324615 дугаарын утсанд холбогдоно уу.

Эх сурвалж: Нийслэлийн ИТХ-ын ХМОНХТ

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top