Хуурамч юаниар гүйлгээ хийсэн эмэгтэйг шалгаж байна

Хуурамч мөнгөн тэмдэгтээр гүйлгээ хийсэн эмэгтэйг саатуулан шалгаж эхэллээ.

Хэргийг тодруулбал, өнгөрөгч амралтын өдөр буюу арваннэгдүгээр сарын 23-ны өдөр нийслэлийн Сүхбаатар дүүргийн гуравдугаар хороо “Голомт” банкны төв салбарт хуурамч валютаар гүйлгээ хийгджээ. Хэргийг шалгах явцад, Баянгол дүүргийн иргэн 33 настай эмэгтэй Я гэгч нь БНХАУ-ын мөнгөн дэвсгэрт болох юаниар гүйлгээ хийсэн нь тогтоогдсон байна. Уг хэргийг Сүхбаатар дүүрэг дэх цагдаагийн нэгдүгээр хэлтэст үргэлжлүүлэн шалгаж байна.