Л.Энх-Амгалан: Сонгуулийн хуулиа баталсан гишүүд дахин сонгогддог

М.Хангал | Zindaa.mn
2019 оны 12 сарын 19

УИХ-ын чуулганы нэгдсэн хуралдаанаар УИХ-ын гишүүн Л.Энх-Амгалан нарын зургаан гишүүний өргөн барьсан Сонгуулийн тухай хуулийн эцсийн хэлэлцүүлгийг хийж байна.

Чуулганаар Төрийн байгуулалтын байнгын хорооны дэмжсэн буюу УИХ-ын Сонгуулийн тухай хуулийн зүйл, заалт бүрээр нь санал хураалт явуулах бөгөөд хуралдаанд УИХ-ын 45 гишүүн оролцож байна.

УИХ-ын сонгуулийн тухай хуулийн эцсийн хэлэлцүүлгийг одоогоор УИХ-ын дэд дарга Л.Энх-Амгалан даргалж байгаа юм. Тэрбээр УИХ-ын гишүүдийг санал хураалтад идэвхтэй оролцуулахын тулд “Сонгуулийн хуулиа баталсан УИХ-ын гишүүд дахин сонгогддог гэдгийг ахмад гишүүд хэлж байсан шүү” хэмээн УИХ-ын гишүүдэд хэлж байгаа харагдав.

Чуулганы нэгдсэн хуралдаан үргэлжилж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top