Дөрвөн машин шатсан хэргийг цагдаагийн байгууллага шалгаж байна

Өчигдөр буюу нэгдүгээр сарын 1-ний өдөр нийслэлийн Баянгол дүүргийн нутаг дэвсгэрт орон сууцны гаднах хогийг шатааж, улмаар дөрвөн машин шатсан хэрэг  цагдаагийн байгууллагад бүртгэгджээ.

Тодруулбал, тус дүүргийн 5-р хороо 54-р байрны гадаа шатаж байсан хогноос зогсоолд байрлуулсан автомашинуудад гал тархаж иргэн Б, М, Д нарын гурван иргэний нийт дөрвөн машин шатсан байна. Хэргийн газар албаныхан ажиллаж шалгалтын ажиллагааг эхлүүлээд байгаа ба Баянгол дүүрэг дэх цагдаагийн нэгдүгээр хэлтэст үргэлжлүүлэн шалгаж байна.