Ч.Сайханбилэг: Зугтаасан гэх зохиолтой жүжиг хэзээ дуусах вэ?

Ерөнхий сайд асан Ч.Сайханбилэг өөрийн сошиал хуудсаараа дараах байр суурийг илэрхийлсэн байна.

Чимэдийн Сайханбилэг гэх нэртэй эл хаягт “Гүтгэлэг бүхэнд хариулт өгнө. Зугтаасан гэх зохиолтой жүжиг хэзээ дуусах вэ? Өмгөөлөгчөөрөө дамжуулж тогтмол хууль хүчний байгууллагатай холбоотой ажиллаж байгаа. Улс төрийн зохиомол жүжгийн гол дүр нь болж хэлмэгдэх ёстой бол төрийн хамгаалалт нь хамт явж байгаа, эхлээд та бүхэн шаардлагын дагуу шалгалтаа хийнэ үү?” гэжээ.

Сануулахад, АТГ-аас Ерөнхий сайд асан Ч.Сайханбилэгийг 2015 онд Дубайн санхүүжилтийн төлөвлөгөөг хөрөнгө оруулагч талтай үзэглэхдээ эрх мэдэл, албан тушаалын байдлаа ашиглаж бусдад давуу эрх олгосон байж болзошгүй гэх үндэслэлээр яллагдагчаар татан шалгаж байгаа. Түүнийг мөрдөн шалгалтын явцад эх орноосоо оргон зайлсан тул цагдаагийн байгууллагаас албан ёсоор эрэн сурвалжлах ажлыг эхлүүлээд байгаа тухай болон Ч.Сайханбилэгийн талаар үнэн, зөв мэдээлэл өгсөн иргэнийг хууль, хяналтын байгууллагаас хоёр сая төгрөгөөр шагнахаар болсон гэх мэдээллийг өмнө нь хүргэсэн билээ.