Ш.Батхүүг гэм буруутай гэж үзэн, Г.Алтанг цагаатгалаа

Б.Эрхэс | Zindaa.mn
2020 оны 10 сарын 22

Авлигатай тэмцэх газар (АТГ)-аас "Жаст" группийн Ш.Батхүүг "Эрдэнэт" үйлдвэрийн 51 хувийг барьцаанд тавьж, гаднын "Стандарт" банкнаас их хэмжээний зээл авсан хэрэгт яллагдагчаар татан шалгаж байгаа билээ. Түүнтэй хамт "Алтжин" группын Ерөнхий захирал Г.Алтан, түүний хүү Э.Сүрэн нарыг нотлох баримтыг хуурамчаар үйлдсэн гэх үндэслэлээр яллагдагчаар татсан байдаг. 

Тэдэнд холбогдох хэргийг өнгөрсөн сард шүүхэд шилжүүлсэн бөгөөд уг хэргийг шүүх хурал Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд өнөөдөр /2020.10.22/ 13 дахь өдрөө үргэлжилж, дөнгөж сая шүүх бүрэлдэхүүн шийдвэрээ танилцууллаа. 

Шүүхээс Ш.Батхүүд найман жилийн хорих ял оноож, Ч.Ганзориг, Б.Мөнхжаргал, Г.Амарбат нарын хэргийг хэрэгсэхгүй болгон, эрүүгийн хариуцлагаас чөлөөлж, Г.Алтан, Э.Сүрэн нарыг гэмт хэрэг үйлдсэн нь тогтоогдоогүй тул хэргийг хэрэгсэхгүй болгож цагаатгалаа.

Сануулахад, Г.Батхүү, Г.Алтан нарт холбогдох хэргийн шүүх хурал энэ сарын 05-ны өдрийн даваа гарагт эхэлсэн. Тэднийг хуурамч бичиг баримт, тамга тэмдэг, хэвлэмэл маягт ашиглан гаднын "Стандарт" банкнаас 109 сая ам.долларын зээл авч, бусдад онц их хэмжээний хохирол учруулсан буюу "Жаст"-ын Ш.Батхүүг мөнгө угаасан, залилсан, хуурамч бичиг баримт үйлдсэн гэж яллаж байгаа бол "Алтжин" группын Ерөнхий захирал Г.Алтан болон түүний хүү Э.Сүрэн нарыг нотлох баримт хуурамчаар үйлдэж, устгасан гэх үндэслэлээр шүүсэн юм. 

 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Галбадрах(150.129.142.232) 2020 оны 11 сарын 29

Алтан хуурамч баримт үйлдсэн нь нотлогдоогүй юм бол Монголын төр түүнд олон тэрбумын өртэй үлджээ. Энэ шүүх жинхэнэ жонхуу болжээ.

0  |  0
зочин (192.82.73.163) 2020 оны 10 сарын 23

ингэж шудрага биш шүүж байгаад ард түмнийг бослогод хүргэх бий дээ дэндүү шударга биш шүүж байна бүх хөрөнгийг нь хурааж улсыг хохиролгүй болгож хүнд ял өгөх ёстой

0  |  0
baatar(139.5.218.234) 2020 оны 10 сарын 22

uvs huchtei bn

0  |  0
зочин(103.111.68.3) 2020 оны 10 сарын 22

за болио адилхан хулгаыч луйванчин дээ

1  |  0
Top