“Нэг өрх- Нэг иргэн” тандалт шинжилгээний явц 94 хувьтай байна
Нийслэлийн онцгой комиссоос нийслэлийн хэмжээнд халдвар голомтлон гарсан хороо болон эрсдэл өндөртэй хороодын өрхөөс 70.000 өрхийг сонгож, сонгогдсон өрх тус бүрээс нэг иргэнийг коронавируст “Ковид-19” халдварыг тандах, илрүүлэх шинжилгээнд хамруулж байгаа. Өнөөдрийн байдлаар 65860 иргэнийг уг тандалт, илрүүлгийн шинжилгээнд хамруулж, уг ажлын явц 94 хувьтай үргэлжилж байна.
Хамгийн сүүлийн мэдээгээр буюу 2020.12.08-ны 08:00 цагаас өнөөдрийн /2020.12.09/ 08:00 цагийн хооронд 9314 хүнд уг шинжилгээг хийснээс 9280 ПСР-ийн сорьц авч ХӨСҮТ-рүү илгээжээ. Уг тандалт, илрүүлгийн шинжилгээнд хамруулах өрхийг сонгохдоо олон ам бүлтэй, хөдөлгөөнт ажил эрхэлдэг, нэг хашаанд эсвэл байранд олноороо амьдардаг, үйлчилгээний газарт ажилладаг болон ажиллуулдаг, мөн бусад эрсдэлтэй байдлыг тооцон сонгож уг шинжилгээнд хамруулахаар төлөвлөсөн. Нийт шинжилгээнд хамрагдах өрхийн 70 хувийг нь өвчлөл гарсан хороодоос, 30 хувийг нь эрсдэл өндөртэй болон бусад хороодоос тандалт хийх зорилгоор хамруулж байгаа юм.
Эх сурвалж: НЗДТГ-ын Хэвлэл мэдээлэлтэй харилцах хэлтэс
Холбоотой мэдээ
Сэтгэгдэл ( 2 )
Нэг ч өрхөд тандалт шинжилгээ хийгээгүй байж ингэж худлаа мэдээлж мөнгө завших хэрэг байгаа юм уу? Түргэвчилсэн оношлогоо дэлхийн практикаас хасагдсан юм биш үү. Эх орон ард олныг басамжлан доромжлохоо зогсоо эс тэгвээс ирэх хариуцлага маш өндөр байх болно.
Сайн бн баярлалаа