ФОТО: Автобуснуудад угаалга, цэвэрлэгээ, халдваргүйтгэл хийж байна

2021 оны 04 сарын 20

Нийтийн тээврийн 98 чиглэлд 19 аж ахуйн нэгжийн 739 автобус үйлчилгээнд явж байна. Нийтийн тээврийн үйлчилгээ эрхлэгч аж ахуйн нэгж, байгууллагууд өглөө тээвэрлэлт эхлэхээс өмнө  болон орой тээвэрлэлт зогссоны дараа бааз дээрээ  автобуснуудад гадна, дотор угаалга, цэвэрлэгээ, халдваргүйтгэл хийж байгаа юм.

Мөн үйлчилгээний цонхтой цагаар буюу 10:00-12:00, 15:00-17:00 цагуудад чиглэл бүрийн эцсийн зогсоолууд дээр халдваргүйтгэлийг хийдэг. Өнөөдрийн хувьд 45 эцсийн зогсоол дээр 729 автобусны доторх хаалга, бариул, суудлуудыг арчиж цэвэрлэн, мананцар үүсгэгч багажаар халдваргүйтгэл хийж, халдвар хамгааллын дэглэм сахиулан ажиллаж байна.

Эцсийн зогсоол дээрх халдваргүйтгэлийн явцад авто тээврийн хяналтын улсын 17 байцаагч хяналт тавьж ажиллаж байгаа. Мөн Нийслэлийн нийтийн тээврийн үйлчилгээний газрын 52 ажилтан, албан хаагчид нийтийн тээврийн үйлчилгээний тусгай горимын үйл ажиллагаа, халдвар хамгааллын дэглэм мөрдүүлэх арга хэмжээнд хяналт тавин ажиллаж байна.
 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Засаг  (202.179.25.250)  2021 оны 04 сарын 20

Энэ ажлыг өдөр бүр хийж байгаагүй юм уу. Нэг автобус өдөрт дор хаяж 1 удаа цэвэрлэгээнд орсон байх ёстой гэсэн зарчмаар уг ажлаа тогтмол хийж хэвшүүл. Нийтийн тээврийн ман-гарууд аа.

0  |  0
Иргэн (124.158.84.129)  2021 оны 04 сарын 20

Орой угаагаад дахиад хүн тээврлээгүй хирнээ илүү зардал өдөр цайны цагаар нэг хийх хэрэгтэй толгойгоо сайн ажилуул

0  |  0
Top