Монгол компанийг залилсан орос бизнес эрхлэгчийг шүүнэ

ОХУ-ын Красноярск хотын бизнес эрхлэгч Никита Тарасенков Монголын компанийг залилан мэхэлсэн хэргээр шүүгдэх гэж байна.

Тэрээр 200 тонн арвай нийлүүлэх гэрээ байгуулж, Монголын "Гэрэлт Цогцолбор" ХХК-иас 1.3 сая рубль авчээ. Гэвч мөнгөө аваад бараагаа нийлүүлээгүй бөгөөд Монголын тал мөнгөө нэхэмжилсэн ч Никита мөнгөөрөө криптовалют худалдан авсан байжээ.

Kras Mash-д бичсэнээр удахгүй түүнийг шүүх хурал болох гэнэ. Шүүхээс түүнд залилангийн хэргээр 5 жилийн хорих ял оноож, 20 мянган рублийн торгууль оногдуулж магадгүй аж.