ЕРӨНХИЙЛӨГЧИЙН СОНГУУЛЬ I Сонгогчийн ирц 50 хувийг давлаа

Сонгуулийн ерөнхий хороо (СЕХ)-ны цахим хаягаар ирцийн мэдээг цаг, минут тутамд шинэчилж хүргэсээр байгаа билээ.

Энэ удаагийн Ерөнхийлөгчийн сонгуульд санал өгөх иргэдийн идэвх сул байгаа ч нийт сонгогчийн 50+ хувь нь санал хураалтад оролцоод байна.

Ингэснээр Монгол Улсын Ерөнхийлөгчийг сонгох найм дахь удаагийн сонгууль хүчин төгөлдөрт тооцогдох болзол хангалаа. Тодруулбал, 21:00 цагийн байдлаар саналын эрхтэй 2,041,759 сонгогч байгаагаас 1,060,118 нь саналаа өгөөд байна. 

Санал хураалт 22:00 цагт дуусах бөгөөд ялагч нь нийт саналын 50+ хувийн дэмжлэг авч байж, Ерөнхийлөгчөөр сонгогдсонд тооцогдох юм.