Турк “Bayraktar” нисгэгчгүй онгоцыг Украинд нийлүүлснийг том алдаа гэв

Туркийн Vatan (Эх орон) намын Ерөнхий нарийн бичгийн дарга Догу Перинчек Турк улс “Bayraktar” нисгэгчгүй аппаратыг Киевт нийлүүлснийг том алдаа гэж үзжээ.

Догу Перинчек ““Bayraktar” нисгэгчгүй аппаратыг Украинд нийлүүлэх нь алдаа болно гэж Vatan нам нэг бус удаа мэдэгдэж байсан” гэв. Энэ зэвсэглэл нь эцсийн бүлэгт зөвхөн Оросын эсрэг биш Туркийн эсрэг ч ашиглагдсан гэдгийг Vatan намын ерөнхий нарийн бичгийн дарга хэллээ.

Украины Ерөнхийлөгч Владимир Зеленский Украин, Турк улсууд “Bayraktar” нисгэгчгүй аппаратуудын үйлдвэрлэлийг Украины газар нутаг дээр өргөжүүлэх зөвшилцөл байгуулсан талаар мэдэгдсэн билээ.

Украины Зэвсэгт хүчний Жанжин штаб аравдугаар сарын 26-нд цэргийнхэн Донбасст анх удаагаа Туркийн нисгэгчгүй аппарат “Bayraktar”-ыг хэрэглэсэн талаар мэдэгдсэн юм. Дараа нь Украины Ерөнхийлөгч Владимир Зеленский уг мэдээллийг баталсан байна.

ОХУ-ын Ерөнхийлөгч Владимир Путин арванхоёрдугаар сард Туркийн Ерөнхийлөгч Режеп Тайип Эрдогантай утсаар ярихдаа Киев “Bayraktar” нисгэгчгүй аппарат хэрэглэсэн асуудалд анхаарал хандуулсан юм.