Казахстаны шинэ Элчин сайд Габит Койшибаевын намтар

Гадаад харилцааны дэд сайд Б.Мөнхжин Бүгд Найрамдах Казахстан Улсаас Монгол Улсад суух Онц бөгөөд Бүрэн эрхт Элчин сайд Габит Койшибаевыг өчигдөр /2022.05.09/ хүлээн авч уулзсан.

Шинэ сайд Койшыбаев Габит Бейбутович 1972 оны гуравдугаар сарын 12-нд Алматыд төрсөн. 1994 онд аль-Фарабийн нэрэмжит Казахын улсын их сургуулийг төгсөж, 1999 онд Казахстаны ГХЯ-ны Дипломат академийг дүүргэсэн. Хятад, англи хэлтэй.

1994-1999 онд Казахстаны ГХЯ-ны төв аппаратын ажилтан.

1999-2007 онд Бээжин дэх ЭСЯ, Хятадын Өрөмч хотод Паспорт, визний албанд ажилласан.

2007-2009 онд Казахстаны ГХЯ-ны Ази, Африкийн департаментын удирдах ажилтан.   

2009-2011 онд Бээжин дэх ЭСЯ-ны зөвлөх.

2011-2014 онд Шанхай дахь Казахстаны Ерөнхий Консул.

2014-2016 онд Казахстаны ГХЯ-ны Консулын албаны дэд захирал. Азийн хамтын ажиллагааны департаментын дэд захирал.

2016-2019 оны 10-р сард Казахстаны Ерөнхийлөгчийн Тамгын газрын Гадаад бодлого, олон улсын харилцааны хэлтсийн дарга.

 2019 оны 11-р сараас 2022 оны 4-р сарын 8 хүртэл БНХАУ дахь Бүрэн Эрхт Элчин сайдаар ажилласан.

2022 оны дөрөвдүгээр сарын 8-наас Монгол Улсад суух Онц бөгөөд Бүрэн эрхт Элчин сайд.