Б.Ариунбат “Алтаргана” наадмаас ГРАН-ПРИ шагнал хүртлээ

Дорнод аймгийн Дашбалбар сумаас ОХУ-ын Бүгд Найрамдах Буриад улсын Өвөр Байгалийн хязгаар дахь Агинский тосгоноо болж буй Олон Улсын “Алтаргана” наадамд оролцогч Б.Ариунбат Гран-при шагналын эзэн болжээ.

Баттөмөрийн Ариунбат буриад ардын дууны 17-35 насны төрөлд Гран-при шагнал өргөлөө.

Монгол Улсын консерваторийн Ардын дууны урлагийн хоёрдугаар дамжааны оюутан тэрбээр хоёр сарын өмнө ОХУ-ын Москва хотноо болсон Оросын нэрт хөгжмийн зохиолч Исаак Дунаевскийн нэрэмжит олон улсын дуулаачдын XI уралдаанаас Тэргүүн байрын шагналтай ирсэн юм.