Оросын гэмт хэрэгтэн морьтой хил зөрчжээ

Хүчирхийлэл, дээрмийн хэргээр өмнө нь ял эдэлж байсан Оросын Өвөр Байгалийн хязгаарын иргэн Монголын хилийг хууль бусаар зөрчсөн гэж тус хязгаарын Акшинск дүүргийн шүүхээс мэдээллээ.

Гэмт этгээд Могойтуй тосгоноос 15 км-ын зайд морьтой Монголын хилийг нэвтэрчээ. Монголын хилчдэд баригдаад тэрээр “Мал хайж явсан” гэж мэдүүлсэн бөгөөд ямар ч бичиг баримтгүй байсан байна. Хил зөрчигчийг Оросын талд хүлээлгэн өгчээ. Шүүхээс түүнд торгууль, тэнсэн харгалзах ял оноохоор төлөвлөж байгаа гэнэ.