Израилийн талаас Сирийн нисэх буудал руу пуужингаар довтлов

Израилийн зүгээс Сирийн Алеппо дахь олон улсын нисэх буудал руу пуужингаар довтолсны улмаас нисэх буудлын үйл ажиллагааг зогсоосон байна.

Сирийн төрийн телевизээс мэдээлснээр Израилийн талаас Алеппо хотын зүг пуужингаар довтолж, Сирийн агаарын довтолгооноос хамгаалах систем пуужингийн хэсгийг нь сөнөөжээ.

Агаарын довтолгооны үеэр нэг цэрэг амиа алдаж, долоон хүн шархадсан байна.

Үүний өмнө Израилийн талаас Хомс руу довтлох үеэр мөн хүмүүс шархаджээ.