Mercedes-Benz тансаг зэрэглэлийн “Mythos” загвар гаргана

Германы автомашин үйлдвэрлэгч “Mercedes-Benz” компани “Maybach” загвараас өндөр үнэтэй шинэ загвар гаргахаар төлөвлөж байна.

Мotor1.com. порталд мэдээлснээр, хэт тансаг зэрэглэлийн “Mythos” загвар нь 2025 онд гарах аж. Mercedes-AMG SL суурин дээр гарах шинэ загвар нь эл загвараас онцгой дизайн, тансаг интерьер, хүчтэй хөдөлгүүр, дэвшилтэт технологиор ялгарна. “Mythos” автомашиныг цөөн тоогоор үйлдвэрлэх бөгөөд үнэ нь дор хаяж 300 мянган ам.доллар байх аж. Анхны автомашинууд 2026 онд хэрэглэгчдэд хүрэх гэнэ.