Энэ хавар нийт 6337.5 тонн нөөцийн мах худалдаална

Нөөцийн махны худалдааг энэ сарын 11-нээс эхлүүлж, мах худалдаалах 375 цэгийн байршлыг зарласан.

Нөөцийн махны бэлтгэн нийлүүлэлтийг Агро нэгтгэл трейд ХХК, Мах импекс ХК, ХКҮ ХХК, И Эн Пи ХХК, Чойбалсан групп ХХК, Стандарт мах ХХК, Булган мах маркет ХХК-ууд хариуцаж байгаа аж. Энэ хавар нийт 6337.5 тонн нөөцийн мах худалдаална гэж УБЗАА-аас мэдээлжээ.

Энэ сарын 10-нд Шударга өрсөлдөөн, хэрэглэгчийн төлөө газар, Нийслэлийн Захирагчийн ажлын алба, Нийслэлийн Хүнс хөдөө аж ахуйн газар, Нийслэлийн Мал эмнэлгийн газрын хамтарсан ажлын баг нөөцийн мах бэлтгэлийн явцтай танилцаж, хяналт тавьсан билээ.