“Хаврын гоёл-2024” наадмын Загварын 7 хоног эхэллээ

Монголын дизайнеруудын холбооноос жил бүр зохион байгуулдаг “Хаврын гоёл-2024” наадам 25 дахь удаагаа болж байна.

Дизайн урлагийн чиглэлээр сургалт явуулдаг сургуулиуд болон оюутнууд, шинэ залуу дизайнеруудын бүтээлийг шалгаруулан сурталчлах энэхүү наадмын Загварын 7 хоног өнөөдөр /2024.05.05/ Сити их сургуулиас эхэллээ.

“Хаврын гоёл-2024” наадам тавдугаар сарын 5-9-нд болно. Сургуулиуд дээр тавдугаар сарын 8-ныг хүртэл хуваарийн дагуу бие даасан шоу болох бөгөөд 9-нд 14:00 цагт нэгдсэн Гала тоглолт, бусад дизайны бүтээлүүдийн үзэсгэлэн “Corporate Convention Center”-т болно. 

Шилдэгүүдийг “Хаврын гоёл-загвар үзүүлэлт дизайн сургалт-2024” үзэсгэлэн, онол практикийн хурал зэрэгт оролцсон байдлаар нэгтгэж, дараах чиглэлээр тодруулна:    

• Гоёлын
• Өдөр тутам, спорт амралтын   
• Үндэсний
• Уран сэтгэмжийн (авангард)