Sony 2034 он гэхэд дэлхий хэрхэн өөрчлөгдөхийг үзүүлэв

“Sony” компани энтертайнмент салбарын ирээдүйг дүрсэлсэн “Creative Entertainment Vision” дүрс бичлэг танилцуулжээ.

Дүрс бичлэгт ирэх 10 жилд хүмүүс виртуал бодит байдлын хэрэгслүүдийн тусламжтай аватар бүтээж, бусад хүмүүстэй харьцахын тулд виртуал ертөнцөд нэвтэрхийг харуулсан байна. Видеод мөн ирээдүйн ухаалаг утас, тунгалаг таблет, тус компанийн алдарт франчайзинг цуврал болох “Horizon” болон “Хий үзэгдлийн ангуучид” киноны механик үлэг гүрвэл, хий үзэгдлүүдтэй цэцэрлэгт хүрээлэнг үзүүлжээ. Дүрс бичлэг видео тоглоом, аялал жуулчлал, концерт болон энтертайнмент салбар ирээдүйд хэрхэн өөрчлөгдөхийг дүрсэлсэн байна.