Мөнгөн зээлийн үйл ажиллагаа эрхлэгчдийн анхааралд!

Мөнгөн зээлийн үйл ажиллагааг зохицуулах тухай хуульд заасны дагуу мөнгөн зээлийн үйл ажиллагаа эрхлэх этгээд нь хагас, бүтэн жилийн тайланг өссөн дүнгээр гаргаж, дараа сарын 20-ны өдрийн дотор ирүүлэх үүрэгтэй байдаг. Тайлан ирүүлэх маягтыг Санхүүгийн зохицуулах хорооны 2023 оны 82 дугаар тогтоолоор баталсан “Мөнгөн зээлийн үйл ажиллагааны бүртгэлийн дэвтэр хөтлөх, тайлан, мэдээ ирүүлэх журам”-ын дагуу бэлтгэн Хорооны www.frc.mn цахим хуудсанд байршуулж, цахим тайлангийн системд нэвтрэх эрхийн мэдээллийг бүртгэлтэй цахим хаягаар хүргүүлээд байна.

Мөнгөн зээлийн үйл ажиллагаа эрхлэх этгээдээс ирүүлэх 2024 оны хагас жилийн тайланг хүлээн авах хугацаа 2024 оны долоодугаар сарын 20-ны өдрөөр тасалбар болохыг мэдэгдэж байна.