ХЗБХ | ШЕЗ-ийн шүүгч бус гишүүнд С.Энхбаатарыг томилохыг ДЭМЖЛЭЭ

УИХ-ын Хуульзүйн байнгын хорооны өнөөдрийн /2024.12.18/ хурлаар дараах асуудлыг хэлэлцэж байна.

Үүнд:

-Шүүхийн ерөнхий зөвлөлийн шүүгч бус гишүүнийг томилох тухай асуудал

-“Шүүгчид зэрэг дэв олгох журам батлах тухай” Улсын Их Хурлын тогтоолын төсөл

 -“Тогтоол, тогтоолын хавсралтад нэмэлт, өөрчлөлт оруулах тухай” Улсын Их Хурлын тогтоолын төсөл

-Байнгын хорооны тогтоолын төсөл /“Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт” хяналтын сонсголын тайланг явуулсантай холбогдуулан авах зарим арга хэмжээний тухай/

- Байнгын хорооны тогтоолын төсөл /Тогтоолд нэмэлт, өөрчлөлт оруулах тухай/

Хурлын эхэнд Шүүхийн ерөнхий зөвлөлийн шүүгч бус гишүүнийг томилох тухай асуудлыг хэлэлцэж, нэр дэвшигч С.Энхбаатарыг ШЕЗ-ийн шүүгч бус гишүүнд нэр дэвшүүлэхийг 73.3 хувиар дэмжиж, нэр дэвшигч М.Алтан-Очирыг 33 хувиар санал дэмжигдээгүй юм.  

Сануулахад, Шүүхийн ерөнхий зөвлөлийн гишүүн Н.Отгончимэг ажлаасаа чөлөөлөгдөж УИХ-ын даргын хууль зүйн бодлогын зөвлөхөөс томилогдсонтой холбоотойгоор  Шүүхийн ерөнхий зөвлөлийн шүүгч бус гишүүнд нэр дэвшигчийн сонгон шалгаруулалтыг зарласан юм. Улмаар Шүүхийн ерөнхий зөвлөлийн шүүгч бус гишүүний албан тушаалд М.Алтан-Очир, С.Энхбаатар нар нэрээ дэвшүүлээд байсан юм.