Шигшээ багийн тамирчин С.Жамбалжамц “Tour of Sharjah” тэмцээнд айрагдлаа

З.Тэмлүүн | Zindaa.mn
2025 оны 01 сарын 30

АНЭУ-д засмал замын дугуйн “Tour of Sharjah-2025” тэмцээн энэ сарын 24-28-нд болоход 23 орны 29 мэргэжлийн багийн 174 тамирчин таван өдөрт 526.26 км замыг туулж өрсөлдлөө.

Арав дахь удаагийн энэ тэмцээнд манай улсаас Үндэсний шигшээ багийн хоёр тамирчин уралдахад С.Жамбалжамц эхний гараанд хүрэл медаль хүртэж, таван өдрийн нийлбэр дүнгээр тавдугаар байрт шалгарснаар UCI-ын чансааг 15 оноогоор ахиулсан бол Б.Тэгшбаяр нийлбэр дүнгээр 21 дүгээр байрт эрэмбэлэгдлээ.

С.Жамбалжамц нь ”Ханжоу-2022” Азийн зуны спортын наадмаас хүрэл медаль хүртэж, олимпын наадамд эрх авч оролцсон анхны монгол тамирчин бол Б.Тэгшбаяр 2016 оны өсвөрийн ДАШТ-ий алтан медаль хүртсэн анхны монгол тамирчин юм.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ahmad (202.9.40.14)  2025 оны 03 сарын 13

Шүүхийн байгууллага, шүүгч нарын ажлыг шүүмжилж болохгүй хэрэг үү. Ёс суртахууны хувьд үнэн ялзарсан байнаа.

2  |  0
Top