Гурван монгол иргэн Тайландад баригджээ
Энэ сарын 23-нд гурван монгол иргэн Тайландын нисэх онгоцны буудлын татваргүй барааны дэлгүүрээс 2500 орчим ам.долларын бараа хулгайлж байгаад баригдаж саатуулагджээ. Хэрэг бүрдүүлэлтийг нь дуусган шүүхээр асуудлыг нь шийдвэрлэх хүртэл тэднийг түр хорьж саатуулахаар болсон байна. Мөн өмнө нь тус улсад хулгайн хэргээр баригдан саатуулагдаад байгаа гурван иргэний хэрэг бүрдүүлэлт дуусаагүй байгаа учир урьдчилан хорих төвд мөн саатуулагдсан хэвээр байгаа юм байна.
Ер нь энгийн паспорттай монгол иргэд Тайландын Вант Улс руу 30 хоногийн дотор визгүй зорчдог болсонтой холбоотойгоор тус улсыг зорих манай иргэдийн тоо жилээс жилд нэмэгдэж байгааг аж. Гэвч тус улсад зорчиж буй монгол иргэд хулгайн хэрэг үйлдэх явдал гарсаар байгаа нь дээрх жишээнээс харагдаж байгаа аж.
Тиймээс хилийн чанадад зорчиж буй иргэд хулгай зэрэг улс орныхоо нэр хүндэд сөргөөр нөлөөлөхүйц хууль бус үйлдэл хийхгүй байхыг ГХЯ-наас анхаарууллаа.
Сэтгэгдэл ( 0 )