Марио Драги сулыг дэмжинэ

Евро бүсийн эдийн засаг таамаглаж байсны дагуу өсч байгаа ба энэ оны эцэс гэхэд Европын төв банкны хэрэгжүүлж буй мөнгөний сул бодлогын  үр нөлөө  илүү тод харагдах болно гэж Европын төв банкны тэргүүн Марио Драги хэллээ. Тус банк тавдугаар сарын хуралдаанаар бодлогын хүүгээ бууруулсан ба ажилгүйдлийн түвшин санаснаар буурахгүй байгаа нь мөнгөний сул бодлогоо үргэлжлүүлэх гол шалтгаан болж магадгүй гэж шинжээчид тэмдэглэж байна. Ирэх пүрэв гаригт Европын төв банкны ээлжит хуралдаан болно. Энэхүү хуралдаанаар бодлогын хүүгээ хэвээр үлдээх магадлал өндөр гэдгийг шинжээчид хэлж байгаа юм.