Ам.доллар, юань нийлүүлсэн ч, хангалтгүй байна

Дотоодын зах зээл дээрх ам.доллар, юаний ханшууд чангарсан хэвээр байна. Өнгөрсөн долоо хоногт Монголбанкны дуудлага худалдаагаар нийт 77.5 сая ам.доллар, 179.5 сая юань тус тус зах зээлд нийлүүлэгдсэн ч хангалтгүй байсан юм. Долоо хоногийн эцэст ам.долларын арилжааны ханш 1447 төгтөг, юаний ханш 236.80 төгрөгт тус тус хүрсэн байв. Өчигдөр Монголбанкны гадаад валютын дуудлага худалдаагаар банкуудад 20 сая ам.доллар, 64 сая юань тус тус худалдсан байна.

Ер нь бол дээрх байдал нь дотоод дахь валютын эрэлт их байгааг харуулж байгаа бөгөөд монголбанкнаас банкуудад төгрөгөөр их хэмжээний эс үүсвэр байршуулж байгаа нь үүний нэг шалтгаан байж болох юм гэж эдийн засагчид харж байна.