Жижиг банкууд хүнд байдалд оржээ

Манай өмнөд хөрш БНХАУ-ын Ардын банкны зүгээс урт хугацаат зээлийн бодлогыг илүүтэй дэмжих алхам хийгээд байна. Тодруулбал,  богино хугацаат санхүүжилтийг хумих шийд гаргасан нь банк хоорондын захын богино хугацаатай хэрэгслүүдийн хүүг нэмэгдүүлээд байна. Харин шинжээчид үүнийг банкны бус салбарын санхүүжилтийг зогсоох, бууруулах гэсэн оролдлого гэж харж байна. Энэхүү шийдвэртэй холбоотой жижиг банкууд илүүтэй хүнд байдалтай болж байгаа нь хувьцааны зах зээлд банкуудын хувьцаануудын уналтаар тод харагдаж байгааг шинжээчид тодотгож байна.