Ам.доллар, юаний ханш барьцгүй байна

Төв банкны гадаад валютын дуудлага худалдаагаар банкууд ам.доллар, юань худалдан авах санал ирүүлсэн ч,  Монголбанк энэ удаагийн арилжаанд оролцсонгүй. Харин банкуудад 95 сая ам.долларыг своп хэлцлээр худалдаж, валютын захад ам.доллар нийлүүллээ.

Ер нь дотоодын зах зээл дээрх ам.доллар, юаний ханшууд чангарсан хэвээр байгаа. Монголбанкны өнгөрөгч долоо хоногийн дуудлага худалдаагаар нийт 28.0 сая ам.доллар, 135.0 сая юань тус тус зах зээлд нийлүүлэгдсэн ч ханш огцом чангарсаар байгаа нь эрэлт өндөр байгааг харуулж байлаа. Долоо хоногийн эцэст ам.долларын арилжааны ханш 1457 төгтөг, юаний ханш 238.60 төгрөгт тус тус хүрсэн байв. Ам.долларын арилжааны ханш сүүлийн 2 долоо хоногт нийт 20 төгрөгөөр чангарсан үзүүлэлттэй  байсан юм.