”Даатгалын хохирол үнэлэгчдийн холбоо” байгуулагджээ

“Даатгалын хохирол үнэлэгчдийн холбоо” ТББ байгуулагджээ. Уг холбоонд даатгалын хохирол үнэлэгчийн тусгай зөвшөөрөлтэй "Итгэлт эстимэйт" ХХК, "Жи эй си си" ХХК, "Арвижих эстимэйт" ХХК, "Бэст эстимэйт" ХХК, "Ашид билгүүн" ХХК, "Хөрөнгийн үнэлгээний төв" ХХК, "Мега марз" ХХК, "Гэрэгэ эстимэйт" ХХК-иуд нэгдэн ороод байгаа бөгөөд элсэн ороогүй байгаа бусад даатгалын хохирол үнэлэгч компаниудад элсэхийг хүссэн захидал, дүрмийг хүргүүлжээ.

Холбооны үндсэн зорилго нь Монгол улсад хохирлын үнэлгээний үйл ажиллагааг төлөвшүүлэх, даатгалын зах зээлийн тогтвортой хөгжлийг хангахад үнэлгээний байгууллагуудын оролцоог нэмэгдүүлэх, даатгагчдын болон даатгуулагчдын хоорондын холбоог бэхжүүлэх, гишүүнийхээ эрхийг ашгийг хамгаалах төрийн болон хувийн хэвшлийн байгуулагуудтай харилцах, мэргэжлийн сургалт зохион байгуулахад чиглэж байгаа аж.