Банкуудад 119 сая ам.доллар худалдлаа

Өнөөдөр Монголбанкны гадаад валютын дуудлага худалдаагаар банкууд ам.доллар, юань худалдаж авах санал ирүүлсэн бөгөөд Монголбанк энэ удаагийн арилжаагаар 123.0 сая юань худалдан авах саналыг 100% биелүүлж, ам.долларын спот захын арилжаанд оролцсонгүй.

Мөн өнөөдөр Монголбанк банкуудад 119.0 сая ам.долларыг своп хэлцлээр худалдаж, валютын захад ам.доллар нийлүүллээ.

Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.