Хөрөнгийн зах зээлийн сургалт болно

Монголын хөрөнгийн биржээс сар бүр иргэдэд хөрөнгийн зах зээлийн анхан шатны мэдлэг олгох сургалтыг зохион байгуулдаг. Тэгвэл ээлжит сургалт энэ сарын 5 буюу ирэх даваа гарагаас эхлэх гэж байна. Хөрөнгийн зах зээлийн анхан шатны сургалтаар иргэдэд хувьцаа, хөрөнгө оруулалт болон хөрөнгийн зах зээлд оролцоход юуг анхаарах талаар мэдээлэл өгдөг. Түүнчлэн хувьцааны талаархи иргэдийн асуултад хөрөнгийн бирж, брокер дилерийн компаниудын мэргэжилтнүүд хариулт өгдөг билээ. Сургалтад Монголын хөрөнгийн бирж, ҮЦТТТХТ болон брокер дилерийн компаниуд, Санхүүгийн зохицуулах хорооны мэргэжилтнүүд оролцох аж.