Махны үнэ тэнгэрт хадах нь

Махны үнэ нэг хэсэг буурч ард иргэдийг баярлуулаад байсан бол энэ сарын 21-28-ны хооронд Нийслэлийн зарим захуудад өсч эхэлжээ. Монголын Үндэсний Статистикийн хорооны мэдээллээс харахад үхрийн ястай мах “Баянзүрх”, “Хархорин” захуудад кг тутамдаа 500 төгрөгөөр нэмэгдэж, 7500-8000 төгрөгөөр худалдаалагдаж байна. Мөн үхрийн цул мах ч мөн адил “Баянзүрх” худалдааны төвд өмнөх долоо хоногоосоо 5 орчим хувиар нэмэгдэн, кг нь 10000 төгрөг болжээ. Харин хонины ястай махны тухайд “Барс” худалдааны төвд өмнөх долоо хоногоосоо кг тутамдаа 600 төгрөгөөр өссөн үзүүлэлттэй гарчээ. Одоо тус худалдааны төвд хонины ястай мах кг нь 7800 төгрөгөөр худалдаалагдаж байна.