25 сая ам.доллар худалдав

Өнөөдөр Монголбанкны гадаад валютын дуудлага худалдаагаар банкууд ам.доллар, юань худалдаж авах санал ирүүллээ. Харин Монголбанк энэ удаагийн арилжаагаар 25.0 сая ам.доллар, 60.0 сая юанийг худалдав. Мөн банкууд 31.0 сая ам.долларыг своп хэлцлээр худалдан авах санал ирүүлсэн бөгөөд Монголбанк саналыг 100 хувь биелүүлэв. Монголбанк нийт 65.8 сая ам.долларын гадаад валютыг валютын захад нийлүүллээ.

Тодотгоход, гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.