Ханшийн чангаралт хадгалагдаж байна

Дотоодын зах зээл дээр ам.доллар, юаний ханшууд чангарсан байдал хадгалагдсан хэвээрээ байна. Өнөөдөр Монголбанкны ам.долларын зарласан ханш 1,722.96 төгрөгтэй тэнцүү байна. Өчигдөр Монголбанк 25.0 сая ам.доллар арилжааны банкуудад худалдсан. Өнгөрсөн долоо хоногт Монголбанкны дуудлага худалдаагаар нийт 44 сая ам.доллар, 285 сая юань зах зээлд нийлүүлэгдсэн ч энэ нь ханшийг тогтворжуулахад хангалтгүй байсан. Долоо хоногийн сүүлээр ам.долларын арилжааны ханш 1730 төгрөг, юаний арилжааны ханш 285 төгрөгт тус тус хүрээд байв.