М.Болд, Ө.Ганзориг нарыг Мөнгөний бодлогын зөвлөлийн гишүүдээр томилжээ

Монголбанкны Ерөнхийлөгчийн тушаалаар Мөнгөний бодлогын зөвлөлийн бусад гишүүнд "Монголын банкуудын холбооны ерөнхийлөгч Магваны Болд, Санхүүгийн зах зээлийн холбооны ерөнхийлөгч Өлзийбаярын Ганзориг" нарыг томилжээ.

Мөнгөний бодлогын зөвлөлийн хэлэлцэх асуудлын хүрээг танилцуулбал,

-Мөнгөний бодлогын саналын төсөл, холбогдох тооцоо, судалгаан дээр

үндэслэн мөнгөний бодлогын хэрэгсэл, түүний түвшинг өөрчлөх эсэхийг хэлэлцэх;

 -Шаардлагатай тохиолдолд макро зохистой бодлогын арга хэмжээг хэлэлцэх;

 -Төрөөс мөнгөний бодлогын талаар баримтлах үндсэн чиглэлийн төслийг хэлэлцэх,

түүний биелэлтийг дүгнэх, УИХ-д өргөн барьж хэлэлцүүлж, батлуулах;

 -Төв банкны зүгээс хийж буй эдийн засгийн үзүүлэлтүүдийн таамаглалыг хэлэлцэх, батлах зэрэг асуудлууд юм.