Ашигт малтмалын экспорт 763 сая ам.доллараар буурчээ

Ашигт малтмалын бүтээгдэхүүний нийт экспортод эзлэх хувь  өмнөх оны мөн үеэс 2.4 нэгж хувиар буурч нийт экспортын  88 хувийг  бүрдүүлжээ. Чулуун нүүрс, зэсийн баяжмал, төмрийн хүдэр ба баяжмал,  боловсруулаагүй нефть гэсэн голлох 4 түүхий эдийн экспорт  ашигт малтмалын экспортын 85%, нийт экспортын 75%-ийг тус  тус эзэлж байна.

Түүнчлэн энэ 4 бүтээгдэхүүний ашигт малтмалын экспортод  эзлэх хувь 5.6 нэгж хувиар, нийт экспортод эзлэх хувь 7.1 нэгж  хувиар буурсан байна. Экспорт өнгөрсөн оны мөн үеэс 4.2%-иар буурсан бөгөөд уг  бууралт нь ашигт малтмалын экспортын 6%-ийн бууралтаар  тайлбарлагдаж байна. Гол нэрийн бүтээгдэхүүний ангиллаар  авч үзвэл төмрийн хүдэр ба баяжмал,боловсруулаагүй  нефть, мөнгөжөөгүй алтны экспортын өсөлтүүд нь уг  бүлгийн өсөлтийн 13%-ийг бүрдүүлжээ. Харин чулуун нүүрсний экспорт өнгөрсөн оны мөн үеэс 43%-иар буурсан  нь уг бүлгийн  өсөлтийг 21%-иар бууруулжээ

Экспортын бүтээгдэхүүний тоо хэмжээний өсөлтөөс  шалтгаалж 154.5 сая ам.доллараар өссөн бол үнийн  бууралтаас шалтгаалж 333.3 сая ам.доллараар буурснаар  нийтдээ 178.8 сая ам.доллараар буурсан байна. Бүлэг тус бүрээр авч үзвэл ашигт малтмалын экспортын хувьд боловсруулаагүй нефть, зэсийн баяжмал, цайрын  хүдэр ба баяжмал, мөнгөжөөгүй алтны тоо хэмжээ өссөнөөс  шалтгаалж 416 сая ам.доллараар өсөхөөр байсан боловч  чулуун нүүрс, жонш, лейцит нефелитийн экспортын тоо хэмжээ буурсанаас, мөн нүүрс, зэсийн баяжмал,  мөнгөжөөгүй алтны үнийн дүн буурсанаас шалтгаалж нийт  ашигт малтмалын экспорт 763 сая ам.доллараар буурсан  байна.

Ноос, ноолууран бүтээгдэхүүн болон бусад экспортын хувьд  үнийн дүн болон тоо хэмжээ зэрэг өссөнөөр өмнөх оны мөн  үеэс харгалзан 41 сая болон 37 сая ам.доллараар өссөн  байна.