881 тэрбум төгрөгийн зээлийн өргөдөл банкуудад иржээ

Өнөөдрийн байдлаар орон сууцны ипотекийн 8 хувийн хүүтэй зээл олголт ямар байдалтай байгааг хүргэе. Өмнө нь орон сууцны ипотекийн зээл авсан зээлдэгчдээс 844.1 тэрбум төгрөгийн зээлийг 8 хувийн хүүтэй зээлийн эх үүсвэрээр дахин санхүүжүүлэх хүсэлт банкуудад ирсэн байна. Үүнээс банкууд 17056 зээлдэгчийн нийт 482.4 тэрбум төгрөгийн ипотекийн зээлийг дахин санхүүжүүлж, 8 хувийн хүүтэй ипотекийн зээл рүү шилжүүлжээ. Түүнчлэн орон сууц шинээр худалдан авахыг хүссэн иргэдээс 881 тэрбум төгрөгийн ипотекийн зээлийн өргөдөл банкуудад ирснээс 14031 иргэнд 805.1 тэрбум төгрөгийн орон сууцны ипотекийн зээл шинээр олгохоор шийдвэрлэсэн байна.