Банкууд 39 сая ам.доллар авчээ

Өнөөдөр Монголбанкны гадаад валютын дуудлага худалдаагаар банкууд ам.доллар, юань худалдан авах санал ирүүлсэн бөгөөд Монголбанк 39.0 сая ам.доллар, 42.0 сая юань тус тус худалдаж, валютын захад ам.доллар болон юань нийлүүлжээ.

Энэ өдөр банкууд своп хэлцлээр ам.доллар худалдан авах санал ирүүлсэн бөгөөд Монголбанк саналыг 100 хувь биелүүлж, валютын захад 36.5 сая ам.доллар нийлүүлсэн байна.  Мөн банкууд 20 сая юанийн своп хэлцлийн хугацаа сунгах санал ирүүлсэн бөгөөд Монголбанк саналыг 100 хувь биелүүлжээ.