Монголбанк валют зарсангүй

Өнөөдөр Монголбанкны гадаад валютын дуудлага худалдаагаар банкууд ам.доллар, юань худалдан авах санал ирүүлсэн байна. Харин Монголбанк энэ удаагийн арилжаанд оролцоогүй  аж. Мөн энэ өдөр банкууд төгрөгийн своп хэлцлийн санал ирүүлж, Монголбанк своп хэлцлийг 100 хувь биелүүлэн, гадаад валютын дотоодын захад 39.2 сая ам.доллар нийлүүлсэн байна.

Тодотгоход, гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.