Зураач С.Мөнхбаатар усан будгийн ОУ-ын тэмцээнд тэргүүллээ

Иран улсаас жил бүр зохион байгуулдаг “Олон улсын усан будгийн зургийн тэмцээн”-ий 2016 оны шилдгээр Монгол хүн тодорч тэргүүн байрын шагнал хүртлээ. Тодруулбал, тэмцээний нэгдүгээр байрт Монгол Улсын иргэн, зураач С.Мөнхбаатар шалгарчээ. Тэрээр тус тэмцээнд оролцсон уран бүтээлчид, үзэгч олон түмэнд Монголын усан будгийн зургийн хөгжил ямар өндөр түвшинд хүрсэн гэдгийг таниулан сурталчилсан байна. Тэрбээр энэхүү хүндтэй шагналын эзэн болсноор Канад улсад зохион байгуулах усан будгийн олон улсын тэмцээнд оролцох эрхийг хүртээд байгаа юм. С.Мөнхбаатар нь “Бүргэд” бүтээлээрээ олон улсын усан будгийн уралдаанд тэргүүлжээ.

2017 он 02 сар "Зиндаа" сэтгүүл №03/503