“Ороод гараач” шоугаар Орж гарсан уу?

HD Монгол телевиз нь Монголд анх удаа оюуны өмчийн эрхтэйгээр гадаадын олонд танигдсан контентуудыг оруулж ирж телевизийн дэлгэц рүү үзэгчдийг дахин татаж байна. Тухайлбал, дуу дүрсний өндөр чанартайгаар “Авьяаслаг Монголчууд”, “Shark Tank”, “The Voice of Mongolia  зэрэг дэлхийн томоохон шоуг үзэгчдэд хүргэснээрээ  Монголын нэвтрүүлгийн стандартад шинэчлэл хийж чадсан билээ.

Тэгвэл Монгол ТВ-ийн ээлжит нэгэн төсөл “Come Dine With Me буюу Ороод гараач” реалити шоу нэвтрүүлэг  үзэгчдийн хүртээл болоод жилийн хугацаа өнгөрчээ.  

Тус шоуг Мягмар, Лхагва, Пүрэв, Баасан гаригийн 19:30 цагаас үзэгчдэд хүргэдэг. Нэвтрүүлгийн үргэлжлэх хугацаа 30 минут. Энэ Баасан гаригийн дугаарт 32-р хэсгийн ялагчийг тодруулах юм байна.

“Дөрвөн өдрийн турш танай дэлгэцнээ

Дөрвөн  өөр орчин

Дөрвөн өөр амт

Дөрвөн өөр ааш” гэсэн танилцуулга бүхий “Ороод гараач” шоуг та үздэг үү?  Энэ шоуны тухай мэдээллийг уншигч танд хүргэе.

“Ороод гараач” шоу нэвтрүүлгийн тухай таны мэдэхгүй 7 баримт

1. Шагналын сан

Бие биенээ танихгүй дөрвөн оролцогч нэг нэгнийдээ зочилж дөрвөн өдрийн турш өөрсдийн хийсэн зоогоор дайлах бөгөөд бусад оролцогч нар дүнгээ гарган оноо өгсөнөөр 500 мянган төгрөгийн эзэн тодрох юм.

2. Өнгө дагасан хувцаслалт

Монголчууд хүнийг хувцсаар нь угтаж ухаанаар нь үддэг гэдэг. Тэгвэл шоуны оролцогчид гаднах үзэмжиндээ тунчиг анхаарахаас гадна  ходоод өнгөлөм амтат хоол хийхээ мартсангүй ээ.

Хоёр дахь дугаарын оролцогч Бямбацэрэн ногоон өнгөнд дуртай байсан ч байж болох юм.

3. Мэргэжлийн тогооч болон бэлтгэгдэж буй хүн орж болохгүй

Энэ бол жинхэнэ шударга тулааны талбар. Та хоол идэх дуртай шигээ амттай хоол хийж яагаад болохгүй гэж?

4.Фэйсбүүк дэх хандалт

Ороод гараач шоу нэвтрүүлэг пэйж хуудаснаас харж болно. Хэдийгээр Авьяаслаг Монголчууд, Voice шоуны хандалтыг давж чадахгүй ч гэсэн үзэгчдийн шимтэн үзэх дуртай нэвтрүүлэг болоод амжчихсан шүү.

5.You tube дэх хандалт

Магадгүй та ороод л гарсан байх. Гэхдээ шоуны олон дугаар нь үзэгчдийн анхаарлыг  татсан байсан.

6. 2017 оны сүүлийн дугаар

Шинэхэн нэвтрүүлэг маань аль хэдийнээ нэг нас хүрсэн байна.

7. 2018 оны босгон дээр олны танил эрхмүүд “Ороод гараач” шоуны Од болон гялалзах нь ээ.

Шинэ жилийн баярын тусгай дугаарт МУГТ П.Сэрдамба, жүжигчин Н.Оргил, СТА хийлч Дээгий, дуучин Солонго нар оролцож амтат хоолныхоо нууц жорыг дэлгэсэн билээ.

Монгол ТВ энэхүү төслийг хэрэгжүүлэхийн тулд мэргэжлийн өндөр түвшний техник технологийг нэвтрүүлж дэлхийд 2000 ширхэг л байдаг өндөр зэрэглэлийн камер оруулж ирсэн гэдэг. Тус телевиз өөрийн гэсэн кино продакшин байгуулж буй бөгөөд томоохон студи барьж, кино үйлдвэрлэл явуулах ажлыг эхлүүлээд байгаа ажээ. Мөн компанийн дотоод бүтэц, зохион байгуулалтаа эргэн харж, шинэчилж дижитал хэлтэс нэмж  байгуулах ажилд ханцуй шуун орсон гэнэ.

COME DINE WITH ME ШОУ АНХ ХААНА ҮҮССЭН БЭ?

Шоу бизнес бол олон нийтэд ил тод, нээлттэй, тэдний нийтлэг эрх ашиг, соёлын эрэлт хэрэгцээнд нийцсэн, үзэгчдийн хүсэл сонирхлыг хангаж өгөхүйц тухайн улс дэлхийн хүчирхэг гүрэн болоход нөлөөлөх чухал зүйлсийн нэг юм.

Тэгвэл “Come dine with me” шоу Их Британид 2005 оны нэгдүгээр сард анхны нэвтрүүлгээ ITV-ын Channel 4 сувгаар цацаж эхэлжээ.

Өдгөө 13 дахь жилдээ амжилттай зохион явагдсаар буй энэхүү шоу жилээс жилд чанаржиж, цар хүрээгээ тэлж  дэлхийн 30 гаруй оронд амжилттай хэрэгжиж байна.

 Шоуны оролцогчид юун түрүүнд  зургаан хуудас бүхий асуулга бөглөж, өөрийн өрсөлдөх чадвар, хандлагыг тодорхойлно. Улмаар тэмцээний дүрмээр бүх даалгаврууд явагдана. Нэвтрүүлэгт 4 болон 5 оролцогч орж болно. Өрсөлдөгчид бие биенээ үнэлж оноо өгснөөр сүүлийн орой 1000 фунтын эзнийг тодруулдаг байна.  

Өнгөнд биш чанарт анхаардаг. Бусад орныхон бүх санаагаа хоолондоо төвлөрүүлжээ. Харин тэдний хэт задгай, хэт энгийн гэмээр хувцаслалтаас илүүтэйгээр нөхөрсөг зан, хөгжилтэй агшин нь гайхшралыг тань төрүүлэх болно. Үүгээр ч зогсохгүй оролцогчдын зарим нь ялагдлаа хүлээн зөвшөөрч чадахгүй шоуны үеэр шоу хийх дөхсөн.

Шоуны талаар санал бодлоо хуваалцсан үзэгчдийн сэтгэгдлээс та бүхэнд хүргэе.

• Энэ бол хамгийн цочирдом, согтууруулах ундаа, доромжилсон, шуугиан тарьсан телевизийн нэвтрүүлгүүдийн нэг юм! Миний ээж үзэх дуртай. Харамсалтай нь 4-р суваг дээр дууссан байна. Гэхдээ энэ Бямба гарагийн үдээс хойш давталт нь гардаг. Тиймээс бид бүгдээрээ баяртай байна.

• Телевизийн маш ядуу телевизийн нэвтрүүлэг удаан хугацааны туршид тавигдаж байсан. Тус шоуны эхний сарын дугаарыг үзээд л гайхсан.  Үнэхээр хөөрхөн санаа бөгөөд энэ нь бурханлаг гүтгэлгээс илүү ичгүүртэй болгож байна! Би энэ програмын хэсгүүдийг барьж авахад үсээ зулгаах дуртай бөгөөд шоуны хамгийн ядаргаатай зүйлийг мэддэг үү? DAVE LAMB !!!!!!! Тэр "хаагдсан" гэдэг нь ямар утгатай болохыг мэдэхгүй байна! Тэр маш их уурладаг бөгөөд би түүний амаа ангайсан нугастай туузаар хийсэн зүйл гэж хэлж байна.

Энэхүү шоу нэвтрүүлгийн гадаадын орнуудын сонирхолтой дугааруудаас хүргэж байна. Арай л хэтэрхий шударга байсан уу Та юу гэж бодож байна?

COME DINE WITH ME ШОУ ямар улс орнуудад явагддаг вэ? 

Бэл тгэсэн: Ч.Бүжин

WWW.ZINDAA.MN