Канадын уурхайчид 50 мянган жилийн настай амьтны олдвор илрүүлжээ

Канадын Юконы Доусон хотод байрлах алтны уурхайн ажилчид уурхайн хайгуулын ажил хийх явцдаа 50 мянган жилийн өмнө амьдарч байсан хандгай, чонын олдворыг илрүүлжээ. Хөрсний мөнх цэвдэгт хадгалагдан үлдсэн дээрх амьтдын үс гайхалтай сайн чанартай хадгалагдсан байжээ. Хандгай болон чонын ходоодны хананд зарим төрлийн хүнсний үлдэгдэл хадгалагдсан байсныг тогтоосон байна.

Судлаачид дээрх олдворуудыг судалж байгалийн зэрлэг чоно, гаршуулан сургасан нохой хоорондын генетикийн ялгаа, ижил төстэй шинж байдлыг тогтооход шууд ач холбогдолтой гэж дүгнэж байгаа юм. Судалгааг Канадын Торонто болон Ванкуверийн их сургууль, Хятадын Шинжлэх ухааны академийн палеонтологийн хүрээлэн хамтран хийхээр болжээ.

Б.Азаа

zindaa.mn