Зөвхөн солонгос сериалаас харж болох нийтлэг ҮЗЭГДЛҮҮД

Сүүлийн арав гаруй жилийн хугацаанд Өмнөд Солонгосын олон ангит кино буюу бидний хэлдгээр солонгос сериалуудын тоо илт нэмэгджээ. Гэвч сериалууд дээр маш олон ижил тал байдаг гэдгийг үзэгчид тэр бүр анзаардаг эсэх нь сонирхол татдаг. Биднийг дэлгэцийн өмнө уядаг тэдгээрх солонгос драмууд дээр гардаг нийтлэг зүйлсийг хүргэж байна. Амралтын өдрийн алжаалаа тайлж, хөгжилтэй мэдээлэлд анхаарлаа хандуулаарай!

• Холоос машин ирж байгааг харж зогссоор байгаад л осолд орчихдог!

• Киноны гол дүр хэчнээн ядуу айлын охин байсан ч өдөр болгон үнэтэй өөр өөр хувцас сольж өмсөнө...

• Тэд үргэлж автобуснаас хоцордог...

• Унтахдаа хүртэл үсний засалт, нүүр будалт нь ТӨГС!

• Эрэгтэй, эмэгтэй гол дүрүүд их л бүтэлгүй учралаар кино эхэлдэг ч дахиад уулзахдаа...

• Гол дүрүүдийн ажлын газрынхан бүгдээрээ хоорондоо сайн найзууд байх нь элбэг.

• Эрэгтэй гол дүр ядуу байхыг бараг харахгүй дээ. Харин эмэгтэй гол дүр ядуу байх нь хэвийн үзэгдэл.

•   Царайлаг, мөнгөтэй гол дүрийн залуу "Би яг одоо наана чинь очлоо" гэж утсаар яриад л шууд машинаа эргүүлнэ.

• Гол дүрийн эмэгтэй өөрийгөө царай муутай, азгүй амьтан гэж боддог ч үнэн хэрэгтээ тэд үнэхээр хөөрхөн, маш азтай байдаг шүү.

• Кинон дээрх ядуу айлын дүрийн эсрэг тал нь томоохон группийн захирлын хүү юмуу охин байх нь элбэг.

• Автобус эсвэл метрон доторх зорчигчид бүгд унтаж харагдана...

• Тэд үнэтэй хоолны ресторанд орохдоо ганц ч халбага хоол идэж харагдахгүй мөртлөө энгийн, хямдхан хоолны газарт бол амаа олохгүй идэж гарна. Хөгжилтэй байгаа биз...