Хулгайн 100 гаруй үйлдэлтэй эмэгтэйг саатууллаа

Б.Гантуяа | Zindaa.mn
2019 оны 05 сарын 07

Цагдаагийн ерөнхий газрын Мөрдөн байцаах албаныхан олон удаагийн үйлдэлтэй хулгайн гэмт хэрэг үйлдсэн этгээдийг илрүүлэн баривчилж, хохирогч нарыг тогтоохоор ажиллаж байна. 

Тодруулбал, эрхэлсэн тодорхой ажилгүй, нөхөр гурван хүүхдийн хамт амьдардаг 1991 онд төрсөн эмэгтэй С нь томоохон зах худалдааны төвүүдээр бусдын лангуу нь дээр ил тавьсан гар утас болон бусад эд зүйлсийг хулгайлдаг байсан нь шалгалтаар тогтоогдсон байна. Урьдчилсан байдлаар 100 орчим хулгайн гэмт хэргийн үйлдэл тогтоогдож одоогоор мөрдөн шалгаж байна. Тэрээр хулгай хийхдээ 5-6 сартай бага хүүгээ дагуулан бусдыг хууран мэхэлж хулгай хийдэг байжээ. Бусдаас хулгайлсан эд зүйлээ бага үнээр ломбард, захуудаар худалдан борлуулдаг байснаа хүлээн зөвшөөрчээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (122.201.26.172)  2019 оны 05 сарын 07

Гэр бүлээрээ урт гартнууд юм байна л даа. Бага хүүгээ аав ээж гэж хэлэхээс нь өмнө мэргэжлээ өвлүүлж байгаа юмуу хаашаа юм. Ийм улсууд хэдэн зуугаараа бий шдээ, тэнгэр заяатнуудаа.

1  |  0
Top