Урлагийн салбарт эрэгтэй, эмэгтэйчүүдийн тоог тэнцүүлнэ

Жендерийн тэгш байдлыг хангахын төлөө уриатай “Keychange” хөтөлбөрт нэгдэх албан газар, компаниудын тоо нэмэгдсээр байна. Одоогийн байдлаар 200 гаруй хөгжмийн компани, студи, театр 2022 он гэхэд ажилтнуудынхаа хүйсийн харьцааг 50:50 хувь болгон тэнцүүлэхээ амлажээ.

“Keychange” хөтөлбөрт хамрагдсан компаниуд гэрээ байгуулах дуучин, жүжигчин, хөгжмийн зохиолч  төдийгүй тоглолтын танхим, цэнгэлдэх хүрээлэн, театрт ажиллаж байгаа үйлчилгээний ажилчдыг ч эрэгтэй, эмэгтэй ижил тооны хүн ажиллуулах шийдвэр гаргасан байна. Дуу бичлэгийн студи бичлэг хийлгэх захиалга авахдаа ч заавал тооны тэнцвэрийг хадгалж, жендерийн тэгш эрхийг хангах гэнэ.