Сидни Суинид болливуд 55 сая ам.долларын дүр санал болгожээ

Холливудын 28 настай жүжигчин бүсгүй Сидни Суини яг одоо үедээ хамгийн эрэлттэй, хамгийн өндөр орлоготой жүжигчдийн тоонд нэрлэгдэж байгаа.

Тэгвэл Энэтхэгийн кино урлаг буюу Болливудаас түүнд киноны гол дүр санал болгохдоо 45+10 сая ам.доллар амлажээ. 45 сая ам.доллар нь кинонд тоглосны цалин бол харин нэмэлт 10 сая ам.доллар нь ивээн тэтгэгчийн шагнал гэнэ.

Euphoria, Anyone But You зэрэг киногоороо үзэгчдийг дагуулсан Суинид Энэтхэгийн одод дурлаж буй америк бүсгүйн дүр бүтээхийг санал болгосон юм байна.

Хэрвээ зөвшөөрвөл холливуд, болливуд хоёрын хамтын ажиллагааны нэгэн дуулиантай эхлэх болох шинжтэй. Гэхдээ одоогоор Сидни Суини хариулт өгөөгүй байгаа гэнэ. Холливудаас түүнд ямар санал ирэх, болливудын кинонд тоглох нь цаашдын замналд нь хэрхэн нөлөөлөх талаар нухацтай бодож буй бололтой.

Киноны зураг авалт 2026 оны эхээр Нью-Йорк, Парис, Лондон, Дубайд болох юм байна.