Сэргээшийн дүгнэлт гартал Э.Оюунболдын наадмыг хойшлууллаа

2019 оны 08 сарын 15

Улсын аварга Э.Оюунболдод хүндэтгэл үзүүлэх баяр наадмыг зохион байгуулах комиссын ээлжит тавдугаар хуралдаан болж, Хэнтий аймгийн удирдлагууд, Хэнтий аймгийн нутгийн зөвлөлөөс ирсэн саналыг үндэслэн улсын аварга Э.Оюунболдод хүндэтгэл үзүүлэх, аварга цолны мялаалга наадмыг түр хугацаагаар хойшлуулахаар тогтлоо.

Тухайлбал, Тулгар төрийн 2228, Их Монгол Улсын 813, Ардын хувьсгалын 98 жилийн ойн Үндэсний их баяр наадмыг зохион байгуулах хорооны Үндэсний бөхийн салбар хорооны албан ёсны дүгнэлт гарах хүртэл түр хугацаагаар хойшлуулах санал ирүүлснийг хүлээн авсан байна. Мөн цахим орчинд шинэ аваргаас допингийн төрлийн бодис илэрсэн гэх баримт нотолгоогүй мэдээлэл хүчтэй давлагаалж байгаа тул албаны мэдэгдэл гартал хүлээх, ард түмний эргэлзээ арилсны дараа баяр наадмыг зохион байгуулах хэрэгтэй гэж үзсэн байна.

Аварга Э.Оюунболдод хүндэтгэл үзүүлэх, мялаалга наадам энэ сарын 18-нд Чингис хаан хотод болохоор төлөвлөгдөөд байсан билээ.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(100.15.60.253) 2019 оны 08 сарын 16

Засаг дарга нь наадам хийж өгнө гэнүү тэнэгтээрэй.наад голио чинь идэхээ л мэднэ

0  |  0
Батхүү(202.126.89.174) 2019 оны 08 сарын 15

Энэ мэдээ цуурхал байгаасаа гэж бодож бн би л манаы дэлгүүрт ганцаарай оюунболдыг түрүүлэн гэж хүмүүстэй маргаж байсан юм

0  |  0
Амар(202.179.25.30) 2019 оны 08 сарын 15

За яршиг цаашаа.Би л лав монгол бөх нэртэй энэ нүдний булай юмыг дахиж үзэхгүй дэг. Учир нь нийгмээ шимэгчилж амьдардаг улсын цолтой бөхчүүд хэмээх сайхан залуучууд өөр мэргэжил эзэмшиж хөдөлмөрөөрөө амьдарвал улсад ч өөрсдөд нь ч хэрэгтэй.

2  |  0
Top