Н.Золжаргал гэм буруутай нь тогтоогдвол Австри дахь хөрөнгө нь улсын орлого болно

Б.Гантуяа | Zindaa.mn
2019 оны 10 сарын 15

Өнгөрөгч оноос эхлэн Монголбанкны ерөнхийлөгч асан Н.Золжаргалыг авлига, албан тушаалын хэрэгт холбогдуулан Авлигатай тэмцэх газар /АТГ/-аас шалгаж эхэлсэн байдаг. Түүнийг хүү багатай зээл олгосон, Австри улс руу их хэмжээний мөнгө шилжүүлж, орон сууц худалдан авсан зэрэг асуудлаар мөрдөн шалгах ажиллагаа явуулж байсан.

Өмнө нь хэргийн талаар АТГ-аас “Арилжааны банкинд зээл олгохдоо тогтоосон хэмжээнээс  бага хүүтэй зээл олгосон байгаа учраас эргэж хянаж үзнэ үү гэдэг мөрдөгчийн мэдүүлэг Монголбанкинд хүргэсэн. Австри улс руу санхүүгийн хамтарсан мөрдөн шалгах ажиллагаа явуулах даалгавар хүсэлтээ өгөөд, тодорхой нотлох баримтууд ирсэн. Хоёрдугаар улиралд багтаагаад хэргийг шийдвэрлэх боломжтой гэж үзэж байна. Түүнчлэн Монголбанкны таван албан тушаалтны хөрөнгө орлогын мэдүүлгийг нь шалгаж байгаа” гэсэн тайлбар өгч байсан.

Тэгвэл Н.Золжаргалд холбогдох хэргийн шалгалтын ажиллагаа дуусаж, прокуророос Эрүүгийн хуулийн тусгай ангийн 22.1 дүгээр зүйлд заасан “Эрх мэдэл, албан тушаалын байдлаа урвуулан ашигласан”,  22.10 дугаар зүйлд заасан “Үндэслэлгүйгээр хөрөнгөжсөн”, 18.6 дугаар зүйлд заасан “Мөнгө угаасан” хэрэгт яллах дүгнэлт үйлдэж, Чингэлтэй дүүргийн Эрүүгийн хэргийн анхан шатны шүүхэд шилжүүлээд байгаа юм.

Эх сурвалжийн мэдээлж буйгаар, Н.Золжаргалыг шүүх хурал энэ сарын сүүлээр болох тов гараад байгаа ба хэрэгт түүний гэр бүлийн хүнийг гэрчээр дуудах саналтай байгаа аж. Учир нь Н.Золжаргалын Австри улс руу гуйвуулсан 650 мянган ам.долларыг эхнэр нь хүлээн авч, тус улсад үл хөдлөх хөрөнгө худалдан авсан байдаг. Улмаар дээрх үл хөдлөх хөрөнгийг Австри улсын хуулийн байгууллагаас битүүмжлээд байгаа ба одоо болох шүүх хурлаар түүнийг үндэслэлгүй хөрөнгөжсөн гэж үзвэл дээрх хөрөнгийг худалдаж, орлогыг улсын хөрөнгө болгох ажээ.

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (202.179.31.12) 2019 оны 10 сарын 17

шүүхийг харъя чадахгүй бол цалинг нь ёрдийн бидэн шиг болгоод мөлхүүчих

0  |  0
MONGOLBANK(195.176.3.20) 2019 оны 10 сарын 16

Ter 90-d onii mongol bankiig samarhad huchin zutgesen tuhain ueiin Jargalsaihan, Suh janjinii ach huu Sukherdene, Ene novshiin Zoljargal ed nariig bugdiig olj avchiraad shorond hii, buh hurungiig ni huraaj av

0  |  0
luibarchind shiit(64.119.23.213) 2019 оны 10 сарын 15

ulsiin orolgo bolgoj ooriig ni shorond hii...

0  |  0
Zochin(64.119.20.169) 2019 оны 10 сарын 15

Zuv,zuv

0  |  0
иргэн(64.119.22.144) 2019 оны 10 сарын 15

Энэ мэт новшнуудын балаг дуусахгүй

0  |  0
Zochin(202.126.88.171) 2019 оны 10 сарын 15

Илт байна ш дээ наад нохор чинь амьдралдаа бизнес хийж узээгуй хийж чадах ч угуй ш дээ

1  |  0
иргэн(66.181.189.64) 2019 оны 10 сарын 15

Хөрөнгөнөөс гадна ТОЛГОЙГ нь авах хэрэгтэй.

0  |  0
Зочин(202.131.243.186) 2019 оны 10 сарын 15

хууль бус хулгайгаар хөрөнгөжсөн нь үнэншдээ хулгайн хөрөнгийг нь улсын орлого болгох нь маш зөв

2  |  0
Top