Д.Эрдэнэбилэг дахин нэг банкны хувьцаа авахаар хэлцэл хийж эхэлжээ

Б.Гантуяа | Zindaa.mn
2019 оны 10 сарын 28

Худалдаа хөгжлийн банкны Төлөөлөн удирдах зөвлөл /ТУЗ/-ийн дарга Д.Эрдэнэбилэг болон тус банкны гүйцэтгэх захирал О.Орхон, “Монголиан коппер корпорейшн” ХХК-ийн Гүйцэтгэх захирал Ц.Пүрэвтүвшин нарыг Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийн алба хаагчид 2019 оны гуравдугаар сарын 5-ны өдөр прокурорын зөвшөөрөлтэйгөөр баривчилсан байдаг.

Тэднийг “Эрдэнэт” үйлдвэрийн 49 хувийн асуудлаар Цагдаагийн ерөнхий газар болон Авлигатай тэмцэх газар /АТГ/-ын хамтарсан ажлын хэсэг шалгаж, өнгөрсөн зургаадугаар сарын эхээр мөрдөн байцаалтын ажиллагаа дуусаж, прокуророос Д.Эрдэнэбилэг нарт яллах дүгнэлт үйлдээд байгаа юм. Мөрдөн байцаалтын явцад тэднийг Шүүхийн шийдвэр гүйцэтгэх ерөнхий газрын харьяа Урьдчилан хорих 461-р ангид саатуулж байгаад өнгөрөгч тавдугаар сард Худалдаа хөгжлийн банкны ТУЗ-ын дарга Д.Эрдэнэбилэг, тус банкны гүйцэтгэх захирал О.Орхон нарыг Эрүүгийн хэрэг хянах шийдвэрлэх тухай хуулийн 14.5-д заасны дагуу Монгол Улсын хилээр гарах эрхийг нь хязгаарлаж, тодорхой хүмүүстэй уулзахыг хориглох шийдвэрийг Сүхбаатар дүүргийн Эрүүгийн хэргийн анхан шатны шүүхээс гаргасан. 

Энэ хугацаанд Д.Эрдэнэ­билэгийн хууч өвчин сэдэрсэн тул эрүүл мэндийн үйлчилгээ авахаар гадаад улсад зорчих шаардлагатай болсон хэмээн түүний өмгөөлөгч шүүхэд хүсэлт хүргүүлж, улмаар хилийн хоригийг цуцалсан юм. Харин түүнд холбогдох хавтаст хэргийг прокуророос албан ёсоор Сүхбаатар дүүргийн Эрүүгийн хэргийн анхан шатны шүүхэд хүргүүлсэн гэх мэдээлэл бий. 

Дээрх хэргийн шалгалтын явцын талаар эх сурвалжаас тодруулахад “Хэргийг нэмэлт мөрдөн байцаалт явагдаж байгаа. Шалгалтын ажиллагаа үргэлжилж байна” гэх мэдээллийг өглөө. 

Яллагдагч Д.Эрдэнэ­билэгийн тухайд тэрбээр эрүүл мэндийн шалтгаанаар өнгөрөгч наймдугаар сард гаднын улсад очиж, эрүүл мэндийн үйлчилгээ аваад Монгол Улсад эргэн ирсэн ба энэ хугацаанд түүнийг "Хаан" банкны хувьцааны дийлэнхийг авахаар сүүлийн хоёр сар орчмын хугацаанд хэлцэл хийж буй талаар зарим хэвлэлүүд бичиж эхлээд байна.

Энэ тухай тодруулбал, Д.Эрдэнэбилэг "Хаан" банкны 54.4 хувийг эзэмшигч Хидео Савадатай уулзаж хэлцэл хийхээр болсон ч татгалзсан хариу авсан гэх мэдээлэл байна. "Хаан" банкны нийт хувьцааны 41.30 хувийг Японы “Савада Холдингс” компани, 13.10 хувийг нь “Эйч Эс Интернэйшнл” компани буюу нийт 54.4 хувийг нь Хидео Савада эзэмшдэг. Мөн олон улсын санхүүгийн корпораци 9.32 хувийг нь, 36.28 хувийг "Таван Богд" группийн ерөнхийлөгч Ц.Баатарсайхан, түүний гэргий Д.Хулан нар эзэмшдэг ажээ. Дээрх хэлцлийн тухай Д.Эрдэнэбилэгийн өмгөөлөгчөөс тодруулахад "Энэ тухай мэдээлэл өгөх боломжгүй" гэсэн хариу өглөө. 

Сэтгэгдэл ( 17 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Монголчууд (202.126.88.42)  2019 оны 10 сарын 28

Авах хэрэгтэй. Монгол хүн л эзэн болж байвал хэн байх нь хамаагүй. Японы луйварчдад хамаг хөрөнгөө өгч байсанаас хамаагүй дээр шүү. Монголчууд гадныхны идэш болж Монгол Монголоо боорлодогоо болих хэрэгтэй.

0  |  0
зочин (59.153.87.40)  2019 оны 10 сарын 30

Хэрэв энэ хүн дийлэнх хувьцааг авбал хадгаламж эзэмшигч нар мөнгөө эргүүлэн татаж Хаан банканд том савалгаа үүсэн дампуурна шүү

0  |  1
Ннн (1.227.141.237)  2019 оны 10 сарын 28

Авчил байг л дээ. Бизнесийн хүн бизнесээ л хийж бгаа биздээ. Хэрэггүй юманд хошуу дүрцгээх юмаа,

0  |  0
Irgen (192.82.72.46)  2019 оны 10 сарын 28

Ene chin saxal bilge ch biluu mun bzde. Mun bol jencogiin ganzga1 nuxur bga. Jenco BRITISH school g Petrovisiin Oyungerels avtsn gsn shuu. Erx mdliig yst 1ashiglj shunltai xun yum. Daxin sngj blxguie \n

0  |  0
zuv zuv (202.179.27.254)  2019 оны 10 сарын 28

Av av. Sawadagaas bol av. Ter yakuza garaltai, ayalal zugaa tsengeenii business hiideg l hun. Iostoi MGL hun avah iortoi bank daa.

0  |  0
Иргэн (202.126.88.138)  2019 оны 10 сарын 28

Харин банкны хув цааг бол авах нь үөвшдээ?! Ерөөсөө л банк юм чинь?! Харин баялхгт шунанаг гэдэг бол ёстой иэс өөр асуудалшдээ?!

1  |  0
Ахр (103.57.94.159)  2019 оны 10 сарын 28

Бизнесмен хүн л биз. Заавал ард түмний олонхи шигээ хулгай худлаар амьдрах ёстой юу!

0  |  0
зочин (202.179.2.250)  2019 оны 10 сарын 28

яасан ханаж цаддаггүй шаар вэ.

2  |  0
CC (150.129.143.94)  2019 оны 10 сарын 28

MONGOLIIN HAAN BOLLOO.

1  |  0
MONGOL BANK (202.179.25.221)  2019 оны 10 сарын 28

HUJAA

0  |  0
иргэн  (103.57.95.25)  2019 оны 10 сарын 28

энэ балайг гадагш явуулаад байхдаа яахаьв дээ болиомоор юмаа ХХБанкны хувьчлал хуудуутай зарсан мөнгө нь улсад орооогүй гэдэг биз дээ хувьчлалыг хүчингүй болгочч хувь хүмүүс байсан хэзээний авчихсан байгаа даа ноёдын ажил болохоор өөр юмаа

1  |  0
trtr (202.9.44.87)  2019 оны 10 сарын 28

hunii nud shoroogoor l duurdeg yum gesen.

0  |  0
zochin (64.119.27.32)  2019 оны 10 сарын 28

ene nuhur khaan bankiig abbal dansaa haasan ni deer yum bndoo khaan bankin dahi

0  |  0
зочин (64.119.17.227)  2019 оны 10 сарын 28

Энэ хулгайчыг амархан үхүүлэхгүй хийсэн үйлийн үрээ эдлэж нилээн зовоож байж явуулах байлгүй.Тэнгэр харж байна.

2  |  0
Зочин (202.131.243.186)  2019 оны 10 сарын 28

ямар шунал гэхээрээ ингэж ханаж цаддаггүй болчихдог байнаа

1  |  0
Я  (66.181.181.192)  2019 оны 10 сарын 28

Женко ах оролцсон яриа гадуур тэнээд бнда. хувьцааг нь альхэдийн худалдаад авчихаад бнда. Худлаа танадсан Мэдээлэл бн

0  |  0
Зочин (66.181.185.36)  2019 оны 10 сарын 28

Энэ луйварчин бас өөр банк авч ХХБ-аараа дамжуулж хийсэн мөнгө угаалтаа Хаан банкаар дамжуулан хийх зорилготой байгаа биз, Хаан банкийг хамгийн найдвартай банк гэж сонссон , тэгвэл энэ хүний гарт орвол бас л ирээдүйд найдваргүй болох л юм байна

4  |  0
Top