Насанд хүрээгүй охидыг уруу татсан япон дуучдыг шийтгэлээ

Японы алдарт дуучин Ямашита Томохиса, Камэнаши Казүя нар насанд хүрээгүй охидтой согтууруулах ундаа хамт ууж, уруу татсан хэрэгт холбогдоод байгаа билээ. Хоёр дуучны харьяалагддаг Johnny & Associates агентлагаас Ямашитагийн уран бүтээлийг тодорхойгүй хугацаагаар зогсоож, Казүяд хатуу анхааруулга өгсөн байна.

Дуучин залуус долоодугаар сарын 30-нд Токиогийн нэгэн цэнгээний газарт 17-18 насны хоёр модельтой үүрийн 4 цаг хүртэл согтууруулах ундаа хэрэглэжээ. Моделиуд тэдэнд насаа худлаа хэлсэн ч агентлагаас залуучуудад буруу үлгэр дууриал үзүүлсэн гэж үзэн, дуучдыг шийтгэсэн байна.