Леди Гага “MTV VMAs”-д ноёрхлоо

MTV Video Music Awards шагнал гардуулах ёслол цар тахлын үед үзэгчгүй явагдаж өнгөрлөө. Гэхдээ дуучид уран бүтээлээ толилуулсан энэ ёслолд Ариана Гранде, Леди Гага хоёр хамгийн их шагнал авчээ.

Леди Гага “Оны шилдэг дуучин” болсон бол Гранде коронавирусний үед шинээр гаргасан шагнал болох “Гэртээ хийсэн шилдэг видео” шагналыг Stuck with U клипээрээ авлаа.

Шилдэг хамтлагаар Өмнөд Солонгосын  BTS шалгарч, оны шилдэг видео төрөлд The Weeknd “Binding Lights” дуугаараа тэргүүллээ.